MAHALABIU: GAGATAS LAYAT

  • Whatsapp
wadai gagatas

Di kampung Sungai Tuan Ulu, hidup nusia nang ujar urang tu pina malalain kalakuannya. Harat pandir. Kada mau kalah lawan apa nang dipandir urang. Ngarannya Humaidi, umurnya labih pada ampat puluh sudah.

Jadi, hari itu Humaidi nang kapanasan bakas begawian di pahumaan datang ka warungnya Acil Midah.

Read More

“Kupi sacangkir,” ujar Humaidi lawan Acil Midah. “kada usah pakai datu.”

Acil Midah lihum, paham inya sudah bila Humaidi ni baucap kaitu, artinya kupinya jangan pahit kaya muha datu.

Kada saapa tuntung Acil Midah maulah kupi. Panas masih, ujar si ampun warung nitu sambil manjulung.

Lihum Humaidi manyambut, kada basuara.

Diambil Humaidi sauting wadai gagatas. Ngarannya sudah baumur, gagatas dingin nang diambilnya nitu liwar ngalihnya diigut. Layat. Diigut iya banar malawan. Dibuatnya ai ka dalam cangkir kupi nang panas nitu tadi.

“Biar saharian pian marandam gagatas di kupi nitu, kadanya mau balamah pang diigut,” Acil Midah baucap pina mahulut.

“Kadanya kaitu pang umanya ai,” Humaidi manyahut. “Aku ni handak malanah gula di gagatas ni pang nah jadi am kurandam, kupi kam ni liwar pahitnya.”

Acil Midah pina masam muha.

Avatar

Related posts

Leave a Reply

Your email address will not be published. Required fields are marked *

1 comment